?Beste kollegas en studente
Hieronder volg 'n belangringrike Universiteitsverklaring vir julle kennisname:?
Geval van breinvliesontsteking by Universiteit Stellenbosch
Die gesondheid, veiligheid en welstand van alle personeel en studente bly 'n prioriteit vir die Universiteit Stellenbosch. Teen hierdie agtergrond bevestig die Universiteit dat hy ingelig is dat mnr Chris Scheffers, die Matie-student wat die naweek oorlede is, aan meningokokkale meningitis (breinvliesontsteking) gesterf het.
Meningitis is endemies aan die Wes-Kaap, waar dit meer algemeen gedurende die wintermaande sirkuleer. In die meeste gevalle is daar nie 'n duidelik identifiseerbare bron van kontak nie.
Aangesien hierdie stam van breinvliesontsteking in noue kontakomgewings kan versprei en as ernstig beskou word, is die protokolle van die Universiteit se Kampusgesondheidsdiens – gelei deur provinsiale en nasionale gesondheidsbeleide – in werking gestel met die Universiteit wat nou saam met die Wes-Kaapse Regering se Departement Gesondheid en Welstand werk om te verseker dat alle toepaslike protokolle en voorkomende maatre?ls nagekom word.
Gedetailleerde kontakopsporing van mense wat die afgelope tien dae in noue aanraking met Scheffers was, is tans aan die gang sodat chemoprofilakse ('n voorkomende medikasie) binne die volgende 24 uur uitgereik kan word om die risiko van infeksie te verminder. In hierdie verband sal die Kampusgesondheidsdiens oor die volgende 24 uur direk met diegene skakel wat as noue kontakte ge?dentifiseer is. Dit sluit beide studente en personeel in.
Hoewel geen verdere bevestigde gevalle aangemeld is nie, sal die Universiteit voortgaan om die situasie en kontakte oor die volgende paar dae noukeurig te monitor. Indien die noue kontakte kommerwekkende simptome toon nadat hulle die chemoprofilakse ontvang het, word hulle aangeraai om dringend mediese hulp te kry.
In ooreenstemming met protokol word ge?dentifiseerde noue kontakte aangemoedig om slegs lesings by te woon indien hulle asimptomaties is, om maskers in lesingslokale te dra en byeenkomste te vermy (byvoorbeeld om in groepe te sing) en om nie aan kontaksport deel te neem nie.
As 'n voorsorgmaatre?l is alle algemene vergaderings en byeenkomste in Dagbreek tot die naweek uitgestel.
Volgens Kampusgesondheid toon die bakteri?le infeksie aanvanklik griepagtige simptome – hoofpyn, spierpyne, gewrigspyne en fotofobie (oogsensitiwiteit vir lig) – wat dan geleidelik erger word en die volgende insluit: ho? koors, erge hoofpyn, stywe nek, braking, diarree of maagpyn, pynlike gewrigte, koue hande en voete, toevalle en/of slaperigheid wat tot 'n koma kan oorgaan. 'n Rooi of pers uitslag kan ook voorkom wat nie verdwyn wanneer dit gedruk word nie.
Vinnige agteruitgang by 'n gesonde jongmens is ongelukkig nie ongewoon nie. Dit is egter belangrik om te beklemtoon dat die voorkoms van sekondêre gevalle (onder kontakte) oor die algemeen skaars is.
Belangrike inligting:
- Kontak die Kampusgesondheidsdiens by 021 808 3493/6 (werksure) en ER24 by 010 205 3032 ná ure.
- Kontak die Stellenbosch-hospitaal 24/7: 021 808 6100.
- Stellenbosch Medi-Clinic: 021 861 2094 (noodgevalle).
- Studente wat berading benodig, word aangemoedig om die Universiteit se 24-uur-krisisdiens ná ure by 010 205 3032, of gedurende werksure by 021 808 4994 (Stellenbosch-kampus) en 021 927 7020 (Tygerberg-kampus) te skakel. Studente kan ook 'n e-pos na supportus@sun.ac.za stuur om individuele berading te re?l.
MEER OOR meningokokkale meningitis
Dit is 'n bakteri?le vorm van breinvliesontsteking wat deur die bakterie? Neisseria meningitidis veroorsaak word. Dit is 'n ernstige ontsteking van die breinvlies, die membrane rondom die brein en die rugmurg. Dit kan dodelik wees of langtermyn newe-effekte veroorsaak.
Hierdie toestand kom meer gereeld in die wintermaande voor en word deur bakterie? veroorsaak wat algemeen in die keel en neus van gesonde mense voorkom. Dit is nog onbekend waarom hierdie bakterie? by sommige individue in die bloedstroom en senuweestelsel in beweeg.
Oordrag
Die bakterie? word deur druppels respiratoriese of keelafskeidings van draers van persoon tot persoon oorgedra. Noue en langdurige kontak – soos soen, nies of hoes op iemand, of om in 'n nabye omgewing (soos 'n koshuis, eet- of drinkgerei te deel) met 'n besmette persoon ('n draer) te woon – maak die verspreiding van die siekte moontlik.
Gemiddelde inkubasietydperk is vier dae, maar kan tussen twee en tien dae wissel.?
?
